सातपूर पोलीस स्टेशन हद्दी मधील सातपूर परिसरातील नागरिकांवर  राज्य शासनाने व नाशिक मनपाने  निर्देशित केलेल्या कोविड १९ नियमांचे उल्लंघन केल्या मुळे ४२ दिवस धडाकेबाज कारवाई करून तब्बल ८ लाख ३५ हजार ६०० रुपये चा दंड सातपूर मधील नियमांचे उल्लंघन केलेल्या नागरिकांकडून सातपूर पोलिसांनी वसूल केला आहे. दिनांक १८ मार्च ते ३०  एप्रिल रोजी दरम्यान सकाळी ११ ते पहाटे ६  वाजेपर्यंत या वेळात  सातपूर मध्ये  नाका बंदी करून एकूण १ हजार ३०२  इसमावर कारवाई केली.

         धडक कारवाई ची मोहीम राबवून देखील सातपूर विभागातील नागरिक विनाकारण खोटे कारण देत रस्तावर फिरून कोरोना व्हायरस च्या प्रसारास एकप्रकारे मदत करीत आहेत.त्यामुळे सातपूरचे वरिष्ठ पोलीस निरीक्षक किशोर मोरे यांनी नागरिकांना विनाकारण महत्वाच्या कारणाशिवाय घराबाहेर निघू नये असे आव्हान  केले आहे.  त्यामुळे नागरिकांनी घरात थांबून आपल्या कुटुंबाची  स्वतः ची काळजी घ्यावी.

           वरिष्ठ पोलीस निरीक्षक किशोर मोरे यांच्या मार्गदर्शनाखाली सातपूर मधील सकाळ सर्कल, रिलायन्स पेट्रोल पंप, अशोकनगर या ठिकाणी नाकाबंदी करण्यात आली आहे. सदर कालावधीत विनाकारण फिरणाऱ्या १ हजार ६०० नागरिकांची महानगरपालिकेच्या मदतीने अँटीजन टेस्ट केली यामधून ५० नागरिक कोरोनापॉझिटिव्ह सापडले.त्यांची कोविड केअर सेंटर ला रवानगी करण्यात आली. विना मास्क फिरणे,  सामासिक अंतर न पाळणे, संचारबंदी चे उल्लंघन करणे, सार्वजनिक जागेत थुंकणे, रस्ता वर हातगाडी, टपऱ्या उघड्या ठेवणे, ऑटो रिक्षा, खाजगी वाहन चालक अशा वर कारवाई करण्यात आली.कंपनीत काम करणाऱ्या कामगार व अत्यावश्यक सेवेतील कर्मचारी यांनी जाणे-येण्याच्या वेळात ओळखपत्र जवळ ठेवावे. जेणे करून त्यांना कोणी अडवणार नाही.