पारंपारिक इंधनाच्या किंमतीत सतत वाढ होत असताना आता मारुती सुझुकी ही देशातील सर्वात मोठी कार कंपनी आपल्या सीएनजी लाइनअपमध्ये अजून २ कार लवकरच विक्रीसाठी उपलब्ध करणार आहे. 

नवी दिल्ली : पेट्रोल आणि डिझेलच्या किंमतींनी कहर मांडला आहे, त्यामुळे वाहनचालकांचा कल पर्यायी इंधनाकडे मोठ्या प्रमाणावर वळू लागले आहेत सीएनजी आणि इलेक्ट्रिक वाहनांकडे वाढलाय. इलेक्ट्रिक वाहनांची मागणी वाढली असली तरी अजूनही सीएनजी वाहनांची डिमांड जास्त आहे. अशात देशातील सर्वात मोठी कार कंपनी मारुती सुझुकी आपल्या CNG वाहनांच्या पोर्टफोलियोमध्ये नवीन कार लाँच करण्याच्या तयारीत आहे. आता कंपनी आपल्या सीएनजी सेगमेंटमध्ये अजून दोन कारचा समावेश करणार आहे.

मारुती सुझुकीने डिझेल मॉडेल बंद केली आहेत. सर्व मॉडेल  पेट्रोलमध्येच आणण्याचा निर्णय मारुतीने घेतला होता. यानुसार इग्निसपासून स्विफ्ट, अर्टिगा ते एस-क्रॉसपर्य़ंत साऱ्या गाड्या पेट्रोलमध्ये येत आहेत. यापैकी काही कार सीएनजीमध्ये आहेत. आता आणखी दोन कारची त्यामध्ये भर पडणार आहे. लेटेस्ट मीडिया रिपोर्ट्सनुसार, मारुती सुझुकी आपली लोकप्रिय हॅचबॅक कार आणि बेस्ट सेलिंग कॉम्पॅक्ट सेडान कार लवकरच सीएनजी व्हेरिअंटमध्ये उतरवण्याच्या तयारीत आहे. अलिकडेच या दोन्ही कार विविध ठिकाणी टेस्टिंग दरम्यान दिसून आल्यात. ‘कंपनी फिटेड सीएनजी किट’सह या दोन्ही कारची टेस्टिंग सुरू असून लवकरच विक्रीसाठी उपलब्ध होणार असल्याचं समजतंय.

केवळ मॅन्युअल ट्रान्समिशनचा पर्याय ?
मार्केटमध्ये मारुतीच्या Swift आणि Dzire या दोन्ही सध्या कार १.२ लिटर ड्युअल-जेट पेट्रोल इंजिनसह येतात, हे इंजिन ९०PS पॉवर आणि ११३Nm टॉर्क जनरेट करतं. हे इंजिन ५-स्पीड मॅन्युअल आणि ऑटामॅटिक गिअरबॉक्ससह येतं. सीएनजी व्हेरिअंटमध्ये केवळ मॅन्युअल ट्रान्समिशनचा पर्याय मिळेल असं सांगितलं जात

सर्वाधिक CNG कार असणारी कंपनी –
सध्या मारुतीच्या CNG पोर्टफोलियोमध्ये ६ कार उपलब्ध आहेत. यामध्ये अल्टो, एस-प्रेसो, अर्टिगा, सिलेरियो, वॅगनआर आणि ईको व्ह२नचा समावेश होतो. नवीन स्विफ्ट आणि डिझायर सीएनजीमुळे कंपनीच्या सीएनजी लाइनअपमध्ये एकूण ८ वाहने होतील. भारताच्या कार मार्केटमध्ये इतकी सीएनजी वाहने अन्य कोणत्याही कंपनीकडे नाहीत. सीएनजीच्या स्पर्धेत ह्युंडाई देखील आहे, पण ते मारुतीपासून बरेच दूर आहेत.

मायलेज – किती असणार किंमत? –
या दोन्ही कार सीएनजीमध्ये लाँच होण्याआधी किंमतीबाबत सांगणं कठीण आहे, पण स्विफ्ट आणि डिझायरच्या सीएनजी व्हेरिअंटची किंमत पेट्रोल व्हेरिअंटपेक्षा ९०,०० रुपये ते १ लाख रुपयांपर्यंत जास्त असू शकते. सध्या स्विफ्टची एक्स-शोरुम किंमत ५.८१ लाख रुपये ते ८.४२ लाख रुपयांपर्यंत आहे, तर सेडान डिझायरची किंमत ५.९८ लाख रुपये ते ९.०२ लाख रुपयांदरम्यान आहे. अर्टिगाला वगळता कंपनीचे अन्य सर्व सीएनजी मॉडेल्स ३० ते ३२ किलोमीटर प्रतिकिलोग्रॅम पर्यंत मायलेज देतात, त्यामुळे नवीन कारचा मायलेजही याच्याच आसमापस असण्याची अपेक्षा आहे.