आरोग्य क्षेत्रात कार्य करणाऱ्यांचा सत्कार

मुंबई, दि.10 : आदिवासींच्या गरजा कमी असल्याने ते समाधानकारक जीवन  जगतात. त्यांच्याकडे असणारे वन औषधींसंदर्भातील ज्ञान जास्तीत जास्त लोकांपर्यंत पोहोचले पाहिजे असे प्रतिपादन राज्यपाल भगत सिंह कोश्यारी यांनी केले.

झेप संस्थेच्या संचालिका डॉ. रेखा चौधरी यांनी लिहिलेल्या अदिवासी जीवनपद्धतीवर आधारित ‘इंडीयाज ॲनशियंट लिगसी ऑफ वेलनेस- ट्रायबल ट्रेजर ऑफ प्युअर नॉलेज’ या पुस्तकाचे प्रकाशन राजभवन येथे राज्यपालांच्या हस्ते  करण्यात आले, त्यावेळी ते बोलत होते.यावेळी मुक्ती फाऊंडेशनच्या स्मिता ठाकरे मंचावर उपस्थित होत्या.

राज्यपाल श्री.कोश्यारी म्हणाले, आपल्या संस्कृतीत गरजा कमी ठेवण्याबाबत सांगितले जाते. आनंदी जीवनासाठी आपल्याला आपल्या सांस्कृतिक परंपरेकडेच जावे लागेल. आधुनिकतेच्या नावाखाली आपण आपला मानसिक आनंद दूर तर लोटत नाही ना? याचे आत्मपरिक्षण करण्याची गरज आहे. प्राकृतिक गोष्टींचा वापर पुन्हा वाढवून त्याबाबत जनजागृती करावी. या पुस्तकाचा लवकरच मराठी आणि हिंदी अनुवाद यावा अशी अपेक्षा श्री. कोश्यारी यांनी व्यक्त केली.

यावेळी सामाजिक तसेच आरोग्य क्षेत्रात उल्लेखनीय काम करणाऱ्या व्यक्तींचा सत्कार करण्यात आला.यात मुक्ती फाऊंडेशनच्या स्मिता ठाकरे, कृषिका लल्ला, जया किशोरी, अनुष्का परवाणी, अर्चना नेवरेकर, निशा जामवाल, विकास मित्तल, रितू दत्ता, आहना कुमरा, पियुष जैसवाल, सिमरन आहुजा, स्मिता जयकर  यांना राज्यपालांच्या हस्ते स्मृती चिन्ह देऊन सन्मानित करण्यात आले.

०००

Governor released a book ‘ India’s Ancient Legacy of wellness- Tribal treasures of pure knowledge

Mumbai Dated 10 : The Governor of Maharashtra Bhagat Singh Koshyari today released a book  India’s Ancient Legacy of wellness- Tribal treasures of pure knowledge written by Dr. Rekha Chaudhari at Raj Bhavan, Mumbai on Friday, 10th December 2021.

Smita Thackeray,   Social & Entertainment Entrepreneur of the year,  Sohail Khan – Fitness Icon of the year,  Krishika Lulla – Fit Woman Producer of the year,  Jaya Kishori Ji – Best Motivational Speaker of the year, Anshuka Parwani – Best Holistic Wellness Expert of the year,  Archana Nevrekar – Maharashtra Social Activist, Marathi Ent Industry, Nisha Jamval – Best Brand Consultant of the year,  Vikas Mittal – Business Icon of the year, Ritoo datta – Best Social Pesonality of the year,  Aahna Kumra – Fit Actressj of the year,  Piyuus Jaiswal – Change maker of Women Empowerment,  Simran ahuja – Best AMCEE of the year were felicitated by the Governor.

000