नाशिक मिरर : मुंबई

महाराष्ट्रात दुसरी(संचारबंदी) लॉकडाऊन जाहीर करण्यात आला आहे. उद्यापासून पुढील १५दिवस महाराष्ट्रात संचारबंदी लावण्यात येत आहे. कोरोनाची चैन ब्रेक करण्यासाठी नियम काटेकोरपणे पाळणे गरजेचे आहे. अशा परिस्थितीत लॉकडाऊन जाहीर करणं महत्वाचं होतं. अशावेळी सरकारने काही गोष्टींमध्ये सूट दिली आहे. मुख्यमंत्री उद्धव ठाकरे यांनी आपल्या भाषणात संचारबंदी मध्ये कोणत्या सेवा सुरू राहणार या बाबत माहिती दिली आहे. या आवश्यक सेवा वगळता बाकी सेवा बंद राहणार आहेत.

सूट कोणाला दिली आहे. जाणून घेऊया.

लॉकडाऊन २ मध्ये यांना सूट :

सर्व खाजगी व शासकीय रुग्णालये, निदान केंद्रे, क्लिनिक, लसीकरण, वैद्यकीय विमा कार्यालये,

औद्योगिक :

गोळ्या, औषधे निर्मिती कंपन्यांचे उत्पादन आणि या वितरण युनिटला सहाय्य करणारी वाहतूक,मेडिकल साहित्य बनवणाऱ्या कंपन्या, आणि पुरवठा साखळी यांना सूट देण्यात आली आहे. लस, सॅनिटायझर्स, मास्क, वैद्यकीय उपकरणे बनवणाऱ्या कंपन्या, औषधाचा कच्चा माल तयार करणारे युनिट्स, औषध निर्मिती सहाय्य सेवा, उत्पादन आणि वितरण यांना देखील सूट दिली आहे.

तसेच जनावरांचे रूग्णालय व सेवा, पाळीव प्राण्यांचे खाद्य दुकाने, किराणा सामान, भाजीपाला, फळ विक्रेते,डेअरी, बेकरी, कन्फेक्शनरी, सर्व प्रकारच्या खाद्यपदार्थांची दुकाने, कोल्ड स्टोरेज, गोदाम सेवा यांना यातून सूट दिली आहे.

सार्वजनिक वाहतूकीत विमान,रेल्वे, टॅक्सी, ऑटो, बसेस यांना सूट देण्यात आली आहे.

तसेच देशांच्या Diplomat कार्यालयाशी संबंधित सेवा, RBI आणि RBI ने आवश्यक सेवा म्हणून नियुक्त केलेल्या सेवांना सूट देण्यात आली आहे. SEBI ची सर्व कार्यालये, स्टांक एक्सचेंज, डिपॉझिटरीज, क्लियरिंग कॉर्पोरेशन, मान्सून पूर्व सेवा/कर्मचारी, दूरसंचार सेवा, दूरसंचार दुरूस्त करणारी आवश्यक सेवांना सूट देण्यात आली आहे.