पोलीस चौकीचा वापर केवळ  रातपाळीत झोपण्यासाठी का?

राधाकृष्णनगर, विश्वासनगर, पवार संकुल, श्रमिकनगर, गंगासागर नगर परिसरात मोठ्या प्रमाणात टवाळखोर व गन्हेगारी प्रवर्तीचे टोळके नागरिकांना त्रास देत असल्याने राधाकृष्णनगर मध्ये बांधकाम व्यवसायिक गणेश बोलकर यांनी स्वखर्चाने स्वजागेवर बोलकर व्हॅली पोलीस चौकी बांधून दिली. सुरुवातीचे दोन वर्ष पोलीस चौकी पूर्णवेळ सुरु होती. परंतु सद्या पोलीस चौकी चा वापर केवळ रात्र पाळी चे पोलीस कर्मचारी झोपण्यासाठी करीत असल्याचे आरोप नागरिकांनी केले आहेत.सदर पोलीस चौकीत कोणत्या प्रकारचे गुन्हे नोंद घेतली जात नाही. नोंद करण्यासाठी पोलीस ठाण्यात पाठवले जाते. पोलीस चौकी आवरातच टवाळखोर मुलांचा गराडा दिसून येतो. चौकीच्या काचा देखील फोडल्या आहेत. ढेरेदार वाढलेल्या झाडाच्या फाद्या मुळे चौकी झाकळून गेली आहे. 

राधाकृष्णनगर मध्ये टवाळखोराचे प्रमाण मोठ्या प्रमाणात वाढले आहे. कारण नसताना भाजीविक्री करणाऱ्या युवकाला मारहाण करण्यात आली. पोलीस चौकी नेहमी बंद असते. ती पूर्ण वेळ सूरू करावी.- इंद्रभान सांगळे, सामाजिक कार्यकर्ते.

पोलीस चौकी बंद राहत असल्याने परिसरात गन्हेगारी वाढली आहे. हाणामारी, महिला ची छेड काढणे घटना मध्ये वाढ झाली आहे. याबाबत पोलीस आयुक्ताना पोलीस चौकी पूर्ण वेळ सुरु राहण्याबाबत निवेदन देणार आहे. -इंदूबाई नागरे, मा. नगरसेविका प्र.क्र.१०

स्वखर्चाने व स्वजागेवर आम्ही बोलकर व्हॅली पोलीस चौकी बांधून नाशिक पोलीस आयुक्तालय सातपूर पोलीस स्टेशनला दिली होती. पूर्णवेळ पोलीस अधिकारी व कर्मचारी देण्याची जबाबदारी पोलीस आयुक्तानी घेतली होती. परंतु सद्यास्थिती पोलीस चौकी बंद असते. याबाबत पोलीस आयुक्ताना भेटणार आहे. -माधुरी बोलकर, मा. नगरसेविका प्र. क्र. १०